YASOMEKAVYO MAGAZETI LEO

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

JK AHUDHURIA SHEREHE YA KUWEKWA WAKFU ASKOFU JIMBO KATOLIKI SHINYANGA

Rais Dkt. Jakaya Mrisho Kikwete akimpongeza askofu Mpya wa Jimbo Katoliki Shinyanga Mhashamu Liberatus Sangu wakati wa ibada ya kumweka wakfu iliyofanyika katika kanisa kuu la Parokia ya Mama mwenye Huruma, Ngokolo, mjini Shinyanga juzi.

Rais Dkt. Jakaya Mrisho Kikwete akitoa salamu zake za pongezi muda mfupi baada ya kumalizika kwa ibada ya kumweka wakfu askofu mpya wa Jimbo Katoliki Shinyanga Mhashamu Liberatus Sangu katika Kanisa Kuu Parokia ya Mama Mwenye Huruma Ngokolo Mjini Shinyanga.

Rais Dkt. Jakaya Mrisho Kikwete akiwa katika picha ya pamoja na maaskofu wa Katoliki muda mfupi Baada ya ibada ya kumweka wakfu askofu mpya wa jimbo Katoliki Shinyanga Mhashamu Baba Askofu Liberatus Sangu(wapili kulia pembeni ya Rais) huko Ngokolo mjini Shinyanga jana. Picha zote na Freddy Maro

PHIL NEVILLE AMTETEA YAYA TOURE

Phil Neville akiwa na Ryan Giggs Mchezaji wa zamani wa timu ya taifa ya England na Manchester Utd, Phil Neville amemtetea Yaya Toure wa Manchester City kwa kusema kuwa mwanandinga huyo si kikwazo kwa klabu hiyo ya jiji la Manchester kutokana na matokeo mabaya walioyapata katika mchezo wao wa Jumapili. Neville akizungumza katika mjadala ulifanyika katika studio za BBC, amesema kuwa kocha Manuel Pellegrini ndiye aliyekatika wakati mgumu kutokana na kichapo hicho walichokipata kutoka kwa mahasimu wao wa jiji Manchester Utd, huku akiamini kuwa kocha huyo ndiye wa kulaumiwa kutokana na maamuzi yake yasiozaa matunda aliyoyafanya kuelekea katika mchezo huo.
Manchester City ilibamizwa bao 4-2 na Manchester Utd huku vijana hao wa Etihad wakifikisha michezo sita kupoteza kati ya michezo nane. CHANZO: BBC

HILLARY CLINTON KUGOMBEA URAIS

Bibi Hillary Clinton

Waziri wa zamani wa mambo ya nje wa Marekani, Bi Hillary Clinton ametangaza rasmi kuingia katika kinyang'anyiro cha urais wa nchi hiyo katika uchaguzi wa 2016 ambapo anataka kuwa mwanamke wa kwanza kuwa rais wa Marekani.

Alizindua ukurasa wake wa kampeni katika mtandao wa internet, Jumapili, akiwaambia Wamarekani kuwa anataka kuwa "kiongozi" wao.

Bibi Clinton aliingia katika mbio za kuomba kuteuliwa na chama cha Democratic kuwa mgombea urais katika uchaguzi wa mwaka 2008 lakini alishindwa kwa Bwana Barack Obama.

Akiwa mgombea anayepewa nafasi na wanachama wa Democratic alitarajiwa kutangaza azma yake ya kugombea miezi kadhaa iliyopita.

Katika video kupitia ukurasa wake wa kampeni, Bibi Clinton alitangaza: "Nagombea urais".

"Wamarekani wamepambana na nyakati ngumu za uchumi," amesema, "lakini hali imebaki kuwanufaisha walio juu.

"Kila siku Wamarekani wanataka kiongozi na nataka kuwa kiongozi," amesema

Bibi Clinton pia alikuwa mke wa rais wakati mumewe Bill Clinton alipokuwa rais wa Marekani. CHANZO: BBC

TRENI YA DELUXE YAELEKEA MWANZA

Katibu Mkuu wa Wizara ya Uchukuzi Dk Shaban Mwinjaka akikata utepe kuzindua safari hiyo.

Katibu Mkuu wa Wizara ya Uchukuzi Dk Shaban Mwinjaka akiondoa treni kwa kupunga bendera.

Uongozi wa Kampuni ya Reli Tanzania –TRL unachukua fursa hii kuwataarifu wateja wetu wote na Watanzania kwa ujumla na hasa ukanda wa ziwa kuwa hatimaye ile huduma iliyokuwa ikisubiriwa leo Aprili 12 , 2015 inaelekea Mwanza 'Rock City' Ziwa Victoria!

Safari hii ni ya pili kwa vile ya uzinduzi iliyofanyika Aprili Mosi , 2015 ilielekea Kigoma Ziwa Tanganyika baada ya kuzinduliwa rasmi na Katibu Mkuu wa Wizara ya Uchukuzi Dk Shaban Mwinjaka. Aidhaa taarifa zinaeleza kuwa treni hiyo ilipokelewa kwa furaha na bashasha sehemu zote ilimopita wakati wa kwenda Kigoma na kurudi Dar es Salaam.

Tayari kuna baadhi ya wakazi wa miji njiani wameutaka Uongozi wa TRL kuiruhusu treni hiyo ya Deluxe isimame katika vituo zaidi vya njiani zaidi ya vile rasmi 14 na vile vitatu vya ufundi.

Hata hivyo msharti ya uendeshaji wa huduma hii ya Deluxe unaifunga kama ilivyotolewa na Sumtra unaifunga TRL kuchukua uamuzi wa upande mmoja kwa vile uamuzi wowote hautakiwi kuathiri muda wa safari na viwango vya huduma ambazo msafiri wa Deluxe amehakikishiwa kimkataba.

Aidha safari za deluxe zitakuwa wiki mara moja siku za Jumapili itaondoka Stesheni ya Dar es Salaam saa 2 usiku ikiwa na mabehewa 15, Daraja la kawaida 10 (abiria 80 kila moja) daraja la pili la kukaa 3 (kila moja abiria 60) na daraja la pili kulala 2( kila moja watu 36). Itasimama katika vituo 17 ambavyo ni pamoja na Morogoro, Kilosa, Dodoma, Makutopora, Saranda, Manyoni, Aghondi, Itigi, Tabora, Urambo, Kaliua, Uvinza, Kigoma. Vituo vingine ni Isaka, Shinyanga, Malampaka na Mwanza. Wiki moja ikienda Kigoma wiki inayofuatia itaenda Mwanza.

Kwa wasafiri wa Dodoma na Tabora hawa watatumia huo usafiri wakati wote isipokuwa wale wanaoishia Kigoma na Mwanza. Siku za usoni wakati mabehewa mengine ya deluxe yatapatikana safari zitakuwa kila wiki kwenda Kigoma na Mwanza.

NAULI ZA TRENI YA DELUXE KWA MUHTASARI KUTOKA DAR KWENDA KIGOMA/MWANZA NIA KAMA IFUATAVYO:

Dar -Dodoma daraja la kawaida TZS 18,500, Daraja 2 Kukaa TZS 24, 700
Kulala: 41,200

Dar -Tabora kawaida
25,400, Daraja la 2 Kukaa 33,900 Kulala 56,500;

Dar - Kigoma kawaida
35,700, Daraja la 2 Kukaa 47,600 na Kulala 79,400 na

Dar - Mwanza ;kawaida
35,000, Daraja la 2 kukaa 46,700 na Kulala 77,800.

Aidha pia tunapenda kutoa wito wa ushirikiano wa wananchi na wadau wote kutunza vitendea kazi na kwamba kila mmoja awe mlinzi wa mwenziwe. Tujiepushe na vitendo vya makusudi kuharibu mabehewa haya mazuri ndani na nje . Kuna msemo : KITUNZE KIDUMU'! Tukitunza vitendea kazi vitaweza kutoa huduma kwa muda mrefu na hivyo kuongeza tija na kupunguza matumizi mabaya ya fedha za walipa kodi.

Imetolewa na Afisi ya Uhusiano ya TRL kwa Niaba ya Mkurugenzi Mtendaji.