RONALDINHO ATAMBULISHWA RASMI KWA MASHABIKI WA FLUMINENSE

Baada ya kuhamia club ya Fluminense Ronaldinho amepewa jezi namba 10 na kutambulishwa mbele ya mashabiki. Ronaldihno mwenye miaka 35 amehamia club hii baada ya kumaliza kuchezea club ya Queretaro.

PINDA AUTOSA RASMI UBUNGE

 

Waziri Mkuu, Mizengo Pinda.

 

Waziri Mkuu, Mhe. Mizengo Pinda (Mb), amekataa ombi la wakazi wa jimbo lake la uchaguzi la Katavi la kumtaka agombee tena ubunge katika jimbo hilo ili kuendeleza mipango ya maendeleo aliyoianzisha.Taarifa iliyotolewa jana kwa vyombo vya habari ilimnukuu Pinda akijibu maombi ya wakazi hao baada ya Ibada ya Jumapili iliyofanyika katika Kigango cha Kanisa Katoliki cha Kibaoni Wilaya ya Mlele mkoani Katavi.

Waziri Mkuu, Mizengo Pinda akisisitiza jambo alipokuwa akizungumza na wahariri wa vyombo vya habari, Dar es Salaam . (Picha na Fadhili Akida)Pinda alisema anamshukuru Mungu kwa nafasi aliyopewa ya kulitumikia Taifa akiwa Waziri Mkuu kwa miaka minane na anaamini wakati umefika wa yeye kuwaachia wengine nafasi ya ubunge wa Jimbo la Katavi. Alisema ataendelea kuwa karibu na wakazi wa jimbo hilo wakati wote na kwa vile atakuwa na muda wa kutosha kushiriki kikamilifu katika mikakati ya kuwaletea maendeleo ili wajikwamue kutoka kwenye umaskini. Kwa upande mwingine, Pinda aliwaasa wakazi wa jimbo hilo wawe makini kuchagua mbunge na madiwani na kamwe watoa rushwa na wabadhirifu wasipewe nafasi katika uchaguzi ujao utakaofanyika Oktoba 25, mwaka huu. Akimshukuru Waziri Mkuu, Paroko wa Parokia ya Usevya wilayani humo, Padri Aloyce Nchimbi, aliwaasa wakazi wa Mlele kumuenzi Pinda hata atakapokuwa amestaafu kwani bado watahitaji busara na uzoefu wake katika kujiletea maendeleo. Pinda yuko kijijini kwake Kibaoni ajili ya mapumziko mafupi na alitoa msimamo wake huo jana ikiwa ni siku ya mwisho kwa Chama Cha Mapinduzi (CCM) kutoa na kupokea fomu kwa makada wake wanaoomba wateuliwe kugombea ubunge na udiwani katika uchaguzi huo utakaovishirikisha pia vyama vya upinzani.Msimamo huo wa Pinda umekuja siku chache baada ya jina lake kukatwa katika kinyang’anyiro cha urais ndani ya CCM hivi karibuni mjini Dodoma. Pinda alikuwa kati ya wanachama 38 wa CCM waliojitosa katika kinyang’anyiro cha urais kwa tiketi ya chama hicho. Hata hivyo, jina lake lilikuwa miongoni mwa majina yaliyokatwa kwa mara ya kwanza na kubakia matano ambayo yalipelekwa kwenye Kamati Kuu (CC) ya CCM. Majina yaliyopelekwa kwenye kamati hiyo yalikuwa ni ya Waziri wa Mambo ya Nje na Ushirikiano wa Kimataifa, Bernard Membe, Waziri wa Ujenzi, Dk. John Magufuli, Dk. Asha-Rose Migiro, Balozi Amina Said Salum na January Makamba. Majina hayo yalipelekwa Halmashauri Kuu (Nec) ya CCM ambapo wajumbe wake walipitisha majina matatu kati ya matano.

Waliopenya katika kinyang’anyito hicho ni Dk. Magufuli, Dk. Migiro na Amina na kupelekwa mbele ya Mkutano Mkuu na wajumbe kupiga kura na kumpata Dk. Magufuli atakayepeperusha bendera ya chama hicho kumtafuta Rais wa Jamhuri ya Muungano wa Tanzania. Pinda aliteuliwa kushika wadhifa wa Uwaziri Mkuu na Rais Jakaya Kikwete, baada ya aliyekuwa akishikilia wadhifa huo, Edward Lowassa, kujiuzulu baada ya kuhusishwa na kashfa ya Richmond mwaka 2007.

 

 

 

 

 

 

 

 

KAFULILA APATA TUZO YA KUWA MWANASIASA BORA MWENYE MAONO

Mbunge wa Kigoma Kusini kwa tiketi ya NCCR-Mageuzi Mhe. David Kafulila amezidi kuujengea sifa Mkoa wa Kigoma na kuwa miongoni mwa wabunge na watu maarufu kutoka mkoani Kigoma kufanya vizuri kitaifa, awali sifa za mkoa huo maarufu kwa vipaji mbalimbali ilikuwa imeanza kutoweka kutokana na wanasiasa wanaotokea mkoani humo kutuhumiwa kuwa wasaliti na kuvuruga ustawi wa upinzani nchini kwa kudhaniwa wanatumiwa na chama tawala CCM ili kuudhofisha upinzani nchini.

Mhe. Kafulila ameyasema hayo jana jijini Dar-es-Salaam mara tu baada ya kupokea tuzo ya mwanasiasa bora mwenye maono, (kiongozi mwenye maono) Sambamba na Kafulila kupewa tuzo hiyo na taasisi ya Dream Success Enterprises.

Wengine waliopewa tuzo hiyo ni mwanahabari nguli wa habari za uchunguzi na habari za kina Said Kubenea pamoja na mwanahabari pekee mwanamke alionesha kupambana kwa vitendo dhidi ya vita ya mauaji ya Albino nchini Bi. Vicky Mtetema, huku Kubenea akipewa tuzo ya uwazi na ukweli.

Tuzo aliyopokea Mhe. Kafulila imekuwa ya pili tangu mwaka huu uanze baada ya awali kupokea tuzo nyingine kutokana na kuibua kashfa kubwa ya ufisadi wa Escrow na hivyo kuendelea kuung'arisha mkoa wa Kigoma.

Katika hafla hiyo ambayo mgeni rasmi alikuwa mwanasheria wa kwanza wa serikali ya Tanganyika Jaji Mark Bomani.

Akiongea na mwandishi wa habari hii mara tu baada ya kupokea tuzo hiyo, Mhe. Kafulila alisema tuzo hiyo ni zawadi kwa wana-Uvinza mkoa mzima wa Kigoma na Watanzania kwa ujumla kwa kuendelea kumsapoti, bila kusahau wabunge wenzake wa upinzani kwa ushirikiano wanaompatia katika shughuli zake mbalimbali za kisiasa.

KAAZI KWELI KWELI!

CUF: IPO TAYARI KUMPOKEA LOWASSA

 

Chama cha CUF, kimeibuka na kumtetea aliyekuwa Mbunge wa Monduli, Edward Lowassa kwamba Chama Cha CCM kilimuonea kwa kukata jina katika ngazi ya Kamati ya Maadili na kushindwa kulifikisha Kamati Kuu ya CCM (CC).

Kadhalika, CUF kimesema kipo tayari kumpokea Lowassa ndani ya chama hicho kwa kuwa ni msafi na hajawahi kufikishwa hata mahakamani kwa ajili ya kushitakiwa kutokana na madai ya rushwa. CHANZO: NIPASHE