LULA DA SILVA KUFUNGULIWA MASHTAKA KWA KUJIPATIA FEDHA KWA NJIA HARAMU

Rais wa zamani Luiz Inacio Lula da Silva 
*** 

Viongozi wa mashtaka nchini Brazil wanasema kuwa watamfungulia mashtaka ya kujipatia fedha kwa njia haramu aliyekuwa rais wa taifa hilo, Luiz Inacio Lula da Silva.

Wanasema kuwa bwana Lula pamoja na mkewe walishindwa kutangaza umiliki wao wa nyumba moja ya kifahari kwenye ufukwe wa bahari katika eneo la Guaruja.
Rais huyo wa zamani ambaye ni mashuhuri kwa sasa nchini Brazil amekanusha madai hayo akisema kuwa yamechochewa kisiasa.
Nyumba hiyo inamilikiwa na kampuni moja ya ujenzi ambayo imehusishwa na sakata moja kubwa katika kampuni ya mafuta ya serikali ya Petrobras. CHANZO: BBCSWAHILI.COM