DESMOND TUTU AMSIHI RAIS MUSEVENI WA UGANDA KUTOSAINI MSWADA KUHUSU WAPENZI WA JINSIA MOJA

Askofu mstaafu wa Cape Town, Desmond Tutu, amemsihi Rais Museveni wa Uganda (pichani) asitie saini mswada uliozua sintofahamu juu ya wapenzi wa jinsia moja nchini humo. Akofu Tutu, aliyewahi kupata tuzo ya amani ya Nobel, alisema amevunjika moyo kuwa Rais Yoweri Museveni anaonesha kubadilisha msimamo wake, kwa vile awali alisema kuwa hataruhusu mswada huo kuwa sheria. Desmond Tutu alisema haistahiki kuwa na ubaguzi kama huo, na ametoa mifano ya mfumo wa zamani wa ubaguzi wa rangi uliokuwepo Afrika Kusini na ule wa Wa-Nazi wa Ujerumani. Alisema kuwa hiyo ni mifano mibaya kabisa duniani. Awali mswada wa Uganda ulipendekeza kifo kwa vitendo vya kulawiti na baadae kubadilishwa kuwa adhabu ya kifungo.