PROF. JK MGENI RASMI UJENZI WA KITUO CHA MICHEZO KIDONGO CHEKUNDU

Rais wa Jamhuri ya Muungano wa Tanzania Mhe. Profesa Jakaya Mrisho Kikwete anatarajiwa kuwa mgeni rasmi katika sherehe za uzinduzi wa ujenzi wa kituo cha michezo katika eneo la Kidongo Chekundi jijini Dar es salaam.
Kituo cha michezo kinajengwa kwa ufadhili wa Klabu ya Sunderland kwa kushirikiana na Symbion Power na Serikali ya Tanzania.
Shehere hizo zinatarajiwa kesho asubuhi (Jumamosi tarehe 1 Novemba 2014) kuanzia majira ya saa mbili asubuhi.
Kwa mijbu wa taarifa iliyotolewa leo jijini Dar es salaam na Mwakilishi wa Symbion nchini Julie Foster , sherehe hizo pia zitahudhuriwa na Waziri wa Habari , Vijana , Utamaduni na Michezo Dkt. Fenella E. Mukangara, Afisa Mtendaji Mkuu wa Klabu ya Sunderland ya Nchini Uingereza Bi. Margaret Byrne na Afisa Mtendaji Mkuu wa Symbion Power Bw. Paul Hinks
Taarifa hiyo imeongeza kuwa pamoja na uzinduzi wa ujenzi huo Rais Kikwete atapanda mti kwenye eneo hilo, akisaidiwa na Afisa Mtendaji Mkuu wa Sunderland AFC Bi. Byrne, Mkurugenzi wa Biasharawa klabu hiyo Gary Hutchinson, na Afisa Mtendaji Mkuu wa Symbion Power Bw. Hinks.

Klabu ya Ligi Kuu ya Uingereza ya Barclays, Sunderland AFC inatoa usaidizi wa kiufundi na utendaji katika uendelezaji wa mradi wa mpira wa miguu, ambao ni wa kwanza na wa aina yake nchini humu, utakaohakikisha maelfu ya vijana wananufaika kutokana na mtazamo wa pamoja wa kuchanganya mpira wa miguu, elimu na ushiriki wa jamii, ili kupata ujuzi na utaalam wa Sunderland AFC.

CCM YAIPONGEZA FRELIMO KWA USHINDI KATIKA UCHAGUZI MKUU MSUMBIJI

Katibu wa NEC Itikadi na Uenezi Nape Nnauye akizungumza na waandishi wa habari kwenye ukumbi wa Sekretarieti, Makao Makuu ya Chama cha Mapinduzi, Ofisi Ndogo Lumumba jijini Dar es Salaam. Nape alieleza kuwa CCM imepokea kwa furaha kubwa matokeo ya Uchaguzi Mkuu uliofanyika Msumbiji Oktoba 15, 2014 kwa kuwa CCM na FRELIMO ni vyama ndugu vyenye historia moja na ya pamoja ya Ukombozi Kusini mwa Afrika.

TANZIA: BEN KIKO AFARIKI DUNIA!

Mtangazaji wa zamani wa Radio Tanzania Dar es salaam (RTD) ambayo sasa ni TBC Taifa, Ben Hamis Kikoromo maarufu kama Ben Kiko amefariki dunia usiku wa kuamkia leo katika Hospitali ya Taifa ya Rufaa ya Muhimbili jijini Dar es salaam alikokuwa akipatiwa matibabu.  Ben alihamishiwa katika hospitali hiyo akitokea Hospitali ya Jeshi ya Milambo mkoani Tabora alipokuwa amelazwa kwa matibabu ya figo takriban majuma mawili yaliyopita. Ben Kiko atakumbuka kwa umahiri wake mkubwa katika tasnia ya habari hasa wakati akiripoti Vita vya Kagera mwishoni mwa miaka ya sabini moja kwa moja kutoka uwanja wa vita. (Vita ya Kagera ilihusisha nchi za Tanzania na Uganda ambapo Tanzania ilishinda vita hiyo). 
Pumzika kwa amani somo wangu (BEN) wewe ni alama muhimu kwa taifa letu katika tasnia ya habari!
"MUNGU AILAZE ROHO YA MAREHEMU MAHALI PEMA PEPONI"

HATI HATI RAIS WA BURKINA FASO KUJIUZULU

Rais Blaise Compaore wa Burkina Faso amesema atajiuzulu baada ya miezi 12 ya serikali ya mpito.

Ameyasema hayo wakati akilihutubia taifa siku moja baada ya kutokea machafuko. Wakati ambao pia Mkuu wa Majeshi wa nchi hiyo ametangaza kuivunja serikali ya nchi hiyo.
Katika hotuba yake aliyoitoa kupitia kituo binafsi cha Televisheni, Rais Compaore amesema ameuelewa ujumbe uliotolewa na waandamanaji na kwamba ataondoka madarakani baada ya kumalizika kwa kipindi cha mpito cha miezi miezi kumi na mbili.
Wapinzani na waandamanaji nchini humo, waliandamana na kufanya vurugu kupinga kubadilishwa kwa katiba itakayomwongezea muda wa utawala Rais wa nchi hiyo Blaise Compaore, baada ya kuongoza nchi hiyo kwa miaka 27.
Wamemtaka rais huyo kujiuzulu mara moja.

YASOMEKAVYO BAADHI YA MAGAZETI IJUMAA HII

DIAMOND, DAVIDO NA TI WAFUNIKA SERENGETI FIESTA 2014

Diamond...

Davido

T.I

Wapenzi wa Serengeti Fiesta 2014 katika uwanja Leaders jana usiku

SIMBA 0 - YANGA 0, UWANJA WA TAIFA DAR

Kikosi cha timu ya Simba dhidi ya Yanga SC jana katika Uwanja wa Taifa Dar.

Kikosi cha timu ya Yanga dhidi ya Simba.

MELI YA MAREKANI YAZUIWA KUTIA NANGA MEXICO

Meli ya Carnival Magic ya Marekani (Picha na Maktaba).
Meli ya Carnival Magic ya Marekani imezuiwa kutia nanga katika kisiwa cha Mexico cha Cozumel ikihofiwa kuwa na mgonjwa wa Ebola.
Meli hiyo iliondoka katika jimbo la Texas ikiwa na mhudumu mmoja wa afya ambaye alikuwa amehudumia sampuli za mgonjwa wa ebola marehemu Thomas Duncan aliyeaga dunia kutokana na ugonjwa huo.

WAKATOLIKI: HATUWATAMBUI MASHOGA.

Ndoa ya mashoga
Makundi ya kikatoliki yanayopigania haki za wapenzi wa jinsia moja yameelezea ghadhabu yao kutokana na hatua ya maaskofu wa kanisa hilo ya kukataa mapendekezo ya kutangaza msimamo kuhusu mashoga, wasagaji pamoja na watu waliotalakiana na wanaoana.
Wakati wa kumalizika kwa mkutano wa maaskofu wa kanisa katoliki, Vatican ilishindwa kupata theluthi mbili ya kura za maskofu wa kuunga mkono maoni yao kuhusu masuala hayo.
Kundi la kutetea haki za wapenzi wa jinsia moja nchini Marekani la New Ways Ministry limesema kuwa hatua ya maskofu hao kuamua kujadili suala hilo ni matumaini ya siku za usoni.
Masuala hayo yanatarajiwa kuzungumziwa tena baada ya mwaka mmoja.

AZAM FC MBABE WA MBEYA CITY YAILAMBISHA 1-0 NYUMBANI

Kikosi cha timu ya Azam FC kilichowalambisha Mbeya City bao 1-0 katika uwanja wa kumbukumbu ya Sokoine Jijini Mbeya jana.

Kikosi cha Mbeya City kilichokubali uteja wa kufungwa mara mbili mfululizo na timu ya Azam ya Jijini Dar es Salaam.

Baadhi wa mashabiki na wapenzi wa Mbeya City ya Jijini Mbeya wakishuhudia timu yao ikibugizwa nyumbani bao 1-0 na Azam FC mtanange uliochezwa katika uwanja wa kumbukumbu ya Sokoine jijini humo.

MENEJA WA T.I ATINGA DAR KUSHUHUDIA MAANDALIZI YA SERENGETI FIESTA 2014

Meneja wa Msanii wa Kimataifa T.I anayetarajiwa kuingia jijini Dar es Salaam kesho kwa ajili ya kutumbuiza kwenye Tamasha la Serengeti Fiesta 2014, Jonson Geter (wa kwanza kushoto) akiwa ndani ya Viwanja vya Leaders tayari kushuhudia maandalizi ya tamasha hilo linalotarajiwa kufanyika kesho kutwa katika viwanja hivyo. Katikati ni mmoja wa jamaa zake aliyoambatana nao kutoka Marekani na kulia ni Mtangazaji wa Clouds TV Shadee.

Sehemu ya mbele ya jukwaa hilo itakavyokuwa mara baada ya shughuli nzima ya kujenga jukwaa hilo kukamiika.

Baadhi ya vifaa vinavyotumika kuunganisha jukwaa hilo vikiwa chini wakati mafundi wakiendelea na kazi ili kuhakikisha mambo yanamalizika kabla ya siku ya shoo kufikiwa. Picha zote ni kwa hisani ya Globalpublishers.Inf0

NEC YAKUTANA DODOMA JANA

Mwenyekiti wa CCM, Rais Jakaya Kikwete akipiga makofi kwa furaha mara baada ya kuingia kwenye ukumbi wa Makao Makuu ya CCM (White House) kuendesha kikao cha Halmashauri Kuu ya CCM (NEC) mjini Dodoma jana. Kushoto ni Katibu Mkuu wa CCM, Abdulrahman Kinana na Makamu Mwenyekiti wa CCM (Tanzania Bara) Philip Mangula.

Mwenyekiti wa CCM, Rais Jakaya Kikwete akiwa ukumbini tayari kuongoza kikao hicho. Mbele yake ni wajumbe wa Mkutano huo.

Mwenyekiti wa CCM, Rais Jakaya Kikwete akishauriana jambo na Katibu Mkuu wa CCM Abdulrahman Kinana, kabla ya kikao cha NEC kuanza.

KILELE CHA MBIO ZA MWENGE WA UHURU CHAFANYIKA MKOANI TABORA JANA

Kiongozi wa mbio za Mwenge wa Uhuru 2014, Rachel Kassanda akimkabidhi Mwenge wa Uhuru Rais wa Jamhuri ya Muungano wa Tanzania, Mhe. Dkt. Jakaya M. Kikwete wa maadhimisho ya kilele cha mbio za Mwenge huo kwenye uwanja wa michezo wa Ali Hassan Mwinyi mjini Tabora jana. 

Rais wa Jamhuri ya Muungano wa Tanzania, Mhe. Dkt. Jakaya M. Kikwete akiwa katika picha ya pamoja na viongozi wa mbio za Mwenge Kitaifa 2014 wakati wa maadhimisho ya kilele cha mbio za Mwenge huo kwenye uwanja wa michezo wa Ali Hassan Mwinyi mjini Tabora jana. 

Rais wa Jamhuri ya Muungano wa Tanzania ambaye pia ni Amiri Jeshi Mkuu  Mhe. Dkt. Jakaya Mrisho Kikwete akihutubia  katika kilele cha mbio za Mwenge wa Uhuru, 2014 kwenye uwanja wa michezo wa Ali Hassan Mwinyi mjini Tabora jana.

SIMBA vs YANGA VIINGILIO VYATAJWA

Kiingilio cha chini kwenye mechi ya Ligi Kuu ya Vodacom (VPL) kati ya Yanga na Simba itakayochezwa Jumamosi (Oktoba 18 mwaka huu) Uwanja wa Taifa, Dar es Salaam ni sh. 7,000.

Washabiki watakaolipa kiingilio hicho ni wale watakaokaa viti vya rangi ya bluu na kijani ambavyo jumla yake ni 36,693 katika uwanja huo wenye viti 57,558. Viingilio vingine ni sh. 10,000 kwa viti vya rangi ya chungwa, sh. 20,000 kwa VIP B na C wakati VIP A itakuwa sh. 30,000.

Tiketi zitakazotumika kwenye mechi hiyo ni za elektroniki, na zimeanza kuuzwa jana (Oktoba 13 mwaka huu). Tiketi zinapatikana kwa mtandao wa M-PESA, CRDB Simbanking na maduka ya CRDB Fahari Huduma ambayo yapo zaidi ya mia moja sehemu mbalimbali jijini Dar es Salaam.

Mechi hiyo namba 27 itakayochezeshwa na mwamuzi Israel Mujuni Nkongo akisaidiwa na John Kanyenye na Ferdinand Chacha itaanza saa 10 kamili jioni. Kamishna wa mechi hiyo ni Salum Kikwamba kutoka mkoani Kilimanjaro.

Washabiki wanatakiwa kununua tiketi mapema, kwani hazitauzwa uwanjani siku ya mechi. Milango yote ukiwemo ule wa upande wa Mbagala (Uwanja wa Ndani) itafunguliwa kwa ajili ya washabiki, na itakuwa wazi kuanzia saa 4 asubuhi.

Magari maalumu tu yenye stika ndiyo yatakayoruhusiwa kuingia uwanjani kwa kupitia Barabara ya Mandela. Pia washabiki hawaruhusiwi kuingia uwanjani wakiwa na silaha, vitu vya vyuma na mabegi makubwa. Barabara ya kuingilia upande wa Chang’ombe itafungwa kwa watumiaji wa magari.

MAMA KANUMBA NA LULU NDANI YA "MAPENZI YA MUNGU"

Hivi karibu Msanii Mahiri na Nguli katika tasnia ya filamu nchini Elizabeth Michael almaarufu kama LULU ataibuka na filamu yake Mpya na yenye kusisimua iitwayo "MAPENZI YA MUNGU" ambapo moja kati ya washiriki katika filamu hiyo ni Bi Flora Mtegoha ambae ni Mama Mzazi wa aliyekuwa Msanii Nguli wa Kiume Hapa Bongo Marehemu Steven Kanumba.

Filamu ya "Mapenzi ya Mungu" ni moja ya filamu ambayo Lulu ameonyesha uwezo wa hali ya na kuthibitisha kuwa ni mmoja kati ya wasanii wa kike hapa Tanzania ambae ana kipaji cha hali ya juu katika kuuvaa uhusika ambapo ana uwezo wa kubadilika badilika kutokana na muongozo anaopewa.

Filamu ya "Mapenzi ya Mungu" itakuwa Sokoni hivi Karibu Kwa Wauzaji wa Filamu kote Nchini.

Filamu hii itasambazwa na Kampuni mahiri ya Proin Promotions Ltd.

MIAKA 15 BILA MWALIMU JULIUS K. NYERERE

Menejimenti ya DomLand Blog na wadau wake wote tunaungana na Rais Jakaya Mrisho Kikwete, Familia ya Marehemu na Watanzania wote katika kuadhimisha kumbukumbu ya Kifo cha Baba wa Taifa la Tanzania, Julius K. Nyerere. "Tudumishe Amani, Upendo na Mshikamano-Tanzania ni Sisi, Mimi na Wewe"

SITI MTEMVU AIBUKA REDD'S MISS TANZANIA 2014

Miss Tanzania 2014, Siti Abbas Zuberi Mtemvu akipunga mkono mara baada ya kuvikwa taji hilo usiku wa kuamkia jana katika shindano lililoshirikisha warembo 30 na kufanyika ukumbi wa Mlimani City Dar es Salaam. Siti Mtemvu ametwaa taji hilo lililokuwa likishikiliwa na Happyness Watimanywa.

Mrembo wa Redd's Miss Tanzania 2014, Siti Abbas Mtemvu akiwa katika picha ya pamoja na Mshindi wa pili, Lillian Kamazima (kulia) na Mshindi wa Tatu, Jihhan Dimachk mara baada ya kutawazwa rasmi jana kwenye ukumbi wa Mlimani City, jijini Dar es Salaam. Sitti Mtemvu alianza kwa kunyakua Redds Miss Chang'ombe na baadaye Redds Miss Temeke. Sitti ni binti wa kwanza Mbunge wa Temeke, Mhe. Abbas Mtemvu.

Redd's Miss Tanzania aliemaliza muda wake, Happiness Watimanywa akimvisha taji, Redd's Miss Tanzania wa sasa, Sitti Mtemvu.

Onesho la ufunguzi...

Vazi la ufunguzi...

Watazamaji na wanahabari wakifuatilia shindano...

Vanesa Mdee akitumbuiza katika shindano hilo.

Wadau kwa nyuso za bashasha wakifuatilia shindano

Hatua ya 15 bora

Hii ilikuwa tano bora

Majaji wakifanya kazi yao...

Wazazi wa familia ya Miss Tanzania 2014. Picha zote na Othman Michuzi.