SIMBA YATIMKIA AFRIKA KUSINI KESHO KUJIANDAA NA YANGA

YAKIWA yamebaki majuma mawili kabla ya mahasimu wa jadi katika soka la Tanzania kukutana klabu ya Simba inaondoka leo (Oktoba 8, 2014)  kuelekea Afrika Kusini kupiga kambi ya juma moja na nusu kujianda na pambano hilo lililopangwa kufanyika Oktoba 18 uwanja wa taifa jijini Dar es Salaam.

Wakati Simba ikienda Afrika Kusini wapinzani wao Yanga bado hawaja weka wazi sehemu gani watakapokwenda kupiga kambi kujiandaa na pambano hilo lenye upinzani mkubwa kwa soka la Tanzania. Makamu wa Rais wa Simba Godrey Nyange Kaburu, amesema timu hiyo itaondoka na wachezaji wake wote akiwemo kipa Ivo Mapunda na watafanya mazoezi magumu ili kuweza kushinda mechi hiyo ambayo ina umuhimu mkubwa licha ya kuwa na matokeo mabaya katika mechi zilizo pita.

“Kila kitu kimekwenda sawa ikiwemo kuandaa Paspoti na viza za kuingilia Afrika Kusini matumaini yetu kambi ya Afrika Kusini itakuwa ya mafanikio na kupata ushindi kama tulivyo dhamiria,”amesema Kaburu. Simba imekuwa na mwenendo mbaya tangu kuanza kwa ligi ya msimu huu na ina pointi tatu katika mechi tatu ilizocheza ikiwa nyumbani uwanja wa taifa  ambazo zote imeambulia sare.