DAR MPAKA MORO WALIPOKEA VYEMA TAMASHA LA TUO8JANUARY

  Hii ilikuwa ni picha ya pamoja ya wasanii na mashabiki waliojitokeza kuunga mkono tamasha hilo la bure ambalo lina lengo la kuhamasisha vijana kushiriki katika maamuzi yenye mustakabali wa nchi.

WASANII wa muziki wa kizazi kipya, jana walitoa burudani ya aina yake pamoja na elimu kwa vijana juu ya ushiriki wao katika masuala ya nchi kwenye viwanja vya Mwembe Yanga jijini Dar es Salaam. Wakiongowa na  Hamis Mwinjuma ‘Mwana FA’ pamoja na Niki wa Pili, wasanii zaidi ya 10 waliwapagawisha mamia ya mashabiki waliojitokeza kwenye viwanja hivyo kupata elimu hiyo kwa njia ya burudani.

Akizungumza kabla ya kuimba nyimbo zake kali, Mwana FA akitumia tamasha hilo lililopewa jina la ‘Tuonane Januari’, aliwataka vijana kujitokeza kwa wingi katika uchaguzi mkuu wa mwaka huu na kuchagua viongozi wanaowataka. “Vijana wenzangu..., tusisubiri watu wengine watufanyie maamuzi.., ni sisi wenyewe tunatakiwa kuamua tunachokitaka, tushiriki kwenye masuala nyeti ya nchi..., kuna uchaguzi mkuu unakuja, vijana tuwe mstari wa mbele na tuchague viongozi tunaowataka,” alisema Mwana FA. Mara baada ya kusema hayo, alianza kuimba nyimbo zake zinazobamba kwa sasa ukiwemo, mfalme ambao uliwapagawisha mashabiki waliofurika uwanjani hapo. Mbali na Mwana FA, pia Niki wa pili alipata mapokezi makubwa uwanjani hapo kwa nyimbo zake kali huku pia akisisitiza vijana kuchukua maamuzi sasa ya kuchagua viongozi wanaowataka.

Wanamuziki wengine waliokonga nyoyo za mashabiki hao ni pamoja na Shilole (Shishi Baby), Fid Q, Ditto, Linah, Navy and Kenzo, Dogo Janja, Madee, Chegge, Temba, Mwasiti na Stamina, ambao nyimbo zao ziliwafanya mashabiki waliojitokeza kuimba nao pamoja. Tamasha hilo pia lilifanyika katika mikoa ya Njombe na Morogoro ambapo linalengo la kutoa elimu kwa vijana juu ya kuwa karibu na kushiriki matukio muhimu ya nchi hususan uchaguzi mkuu wa rais na wabunge ambao utafanyika Oktoba mwaka huu. Pichani juu Mkali wa muziki wa kizazi kipya Mwana FA akitumbuiza katika tamasha la Tuo8January lililofanyika katika viwanja vya MwembeYanga juzi.

Msanii wa muziki wa kizazi kipya aitwaye Linah akiimba wimbo wake wa OleThemba, mbele ya mashabiki wake (hawapo pichani), waliojitokeza kwa wingi kwenye tamasha la Tuo8January, lililofanyika kwenye viwanja vya sabasaba jana jioni mjini Morogoro. 

Mtayarishaji nguli wa muziki wa kizazi kipya, Paul Mathyesse `P Funk' akichana mistari na msanii Fid Q katika tamasha la Tuo8January lililofanyika katika viwanja vya MwembeYanga,Temeke jijini Dar jana.

Baadhi ya wakazi wa Temeke waliojitokeza kwenye onesho hilo la wazi lililofanyika katika viwanja vya MwembeYanga, Temeke jijini Dar hapo juzi.

Wasanii Chegge na Temba kutoka TMK Wanaume Family wakitumbuiza katika tamasha la Tuo8January lililofanyika katika viwanja vya MwembeYanga.

Mkali mwingine wa kughani mitindo huru, Godzilla akitumbuiza jana jioni katika viwanja vya Mwembe Yanga, Temeke jijini Dar, kwenye tamasha la Tuo8January, lililofanyika hapo juzi.

Pichani kati ni msanii Shilole akiwa pamoja na madansa wake wakilishambulia jukwaa kwa pamoja mbele ya umati wa wakazi wa mji wa morogoro, waliojitokeza kwenye tamasha la Tuo8January, lililofanyika hapo jana katika viwanja vya sabasaba mkoani humo.

Wasanii Aika, na Nahreel wanaounda kundi la Navy & Kenzo wakitumbuiza katika tamasha la Tuo8January lililofanyika katika viwanja vya MwembeYang,Temeke jijini Dar.

Baadhi ya wadau wakirekodi matukio muhimu

Pichani ni Msanii Mwasiti akiimba wimbo wake wa serebuka mbele ya mashabiki wake huku shangwe za mayowe na vifijo zikiwa zimetawala uwanjani hapo  juzi.

Wasanii Madee na Dogo Janja (hayupo pichani) wakitumbuiza katika tamasha la Tuo8January lililofanyika katika viwanja vya MwembeYanga, Temeke jijini Dar.