PROF.TIBAIJUKA: SIWEZI KUJIUZULU KWA FEDHA ZA TEGETA ESCROW

WAZIRI wa Ardhi, Nyumba na Makazi, Prof. Anna Tibaijuka amesema kuwa hawezi kujiuzulu katika nafasi  ya uwaziri kutokana fedha ya Tegeta ESCROW.

Sehemu ya Waandishi wa Habari waliofika kwenye Mkutano huo ulioitishwa na Waziri wa Ardhi, Nyumba na Makazi, Prof. Anna Tibaijuka.

Akizungumza  na Waandishi na Habari mapema jana jijini Dar es Salaam kwenye ukumbi wa Hoteli ya Hayyat Regency, Prof. Tibaijuka  alisema kuwa udalali wake wa  fedha hiyo ni kwa ajili ya wanafunzi katika shule  za Taasisi ya  Barbo Johansson  Girls Education Trust, na kwamba fedha aliyoipata ni  shilingi Bilioni 1.66 ambazo zilitoka katika kampuni ya James Rugemalira kama msaada kwa shule hiyo.

 

Alisema kuwa fedha hiyo kuingia katika akauti yake binafsi ilitokana na masharti ya mtoa msaada ndugu James  Rugemalira  ambaye alitaka fedha hiyo iingie katika akauti ya Benki ya Mkombozi. 

"Nikijiuzulu hata Rais Jakaya Kikwete atanishangaa kwani fedha nilizopata ni za shule kwa ajili kukomboa elimu nchini  hasa kwa watoto wa kike kutokana na wazazi wengi kutoweza kumudu gharama za shule’’alisema.

Alisema kuwa udalali wake ni kutafuta  fedha kwa ajili ya elimu nchini ambapo, alidai hata Mwenyekiti wa Makampuni  ya IPP  Dkt. Reginald Mengi alitoa shilingi milioni 248 kwa ajili ya msaada wa shule hiyo.

Prof. Tibaijuka  alifafanua kuwa  wananchi watambue kuwa yeye ni mstaafu wa Umoja wa Mataifa hivyo hawezi kufanya hivyo na kama angetaka fedha hizo angeweza kufuata hata katika shule na kuchukua.