WATU WAWILI WAFARIKI PAPO HAPO KWA AJILI YA GARI MKOANI RUKWA

Na Kibada Ernest  Kibada -Sumbawanga

………………………………………..

AFISA Misitu wa Wakala wa Misitu  mkoani Rukwa , Victoria Kamage (29) na  dereva  wake  wamekufa papo hapo  na    kujeruhiwa watu wengine watatu  kujeruhiwa kufuatia  magari mawili  kugongana uso  kwa uso  katikati ya daraja la Lwichwe , Manispaa ya Sumbawanga  katika barabara kuu ya Sumbawanga – Namanyere – Mpanda . Kamanda wa Polisi  Mkoa wa Rukwa , Jacob Mwaruanda  akitthibitisha  kutokea kwa ajali hiyo  iliyohusisha Land Cruiser  yenye nambari za usajiri EFP 7307  mali  ya Wakala wa Misitu (TFS)  na gari kubwa  aina ya Scania  yenye namba za usajiri T 748 ABF  mali ya Seleman Kapilimka . Kwa mujibu wa kamanda Mwaruanda  ajali  hiyo  ilittokea  saa nne usiku jana  kwa kugongana uso kwa uso  ambapo  dereva wa gari  dogo  aina Land Cruiser  aitwae Sizya Mhagama  alifikwa na umauti  wakati  akipata matibabu  katika  Hospitali ya Mkoa wa Rukwa mjini Sumbawanga . Gari hilo la Land Cruiser  kwa mujibu wa kamanda Mwaruanda  likuwa na abiria watano  ambapo  watatu  wakiwemo Ofisa Maliasili , Venance Mwambo (23)  na  watoza ushuru wa  mazao ya misitu wa wakala wa misitu  waliotambuliwa kwa  jina moja  moja  ya Wilson na Macha . Aliongeza kuwa  amjeruhi hao  hali zao  ni tete  ambapo  wamelazwa  katika Hospitali ya Mkoa wa Rukwa mjini hapa  kwa matibabu  katika  chumba maalumu  cha ungalizi (ICU). Kamanda Mwaruanda  alieleza kuwa  chanzo  cha  ajali  hiyo ni mwendo  kasi  wa  gari  hilo dogo  ambalo  lilikuwa  likifuatilia  gari lingine  lililokuwa na shehena  ya mkaa  likitokea  wilayani Nkasi   baada ya kupewa taarifa  ya gari  hilo . Aliongeza kuwa  dereva wa Scania aitwae Jofrey Luhanga (32)  anashikiliwa na jeshi la Polisi  mkoani  hapa kwa mahojiano ambapo atafikishwa mahakamani  muda wowote  baada ya  upelelezi wa awali  wa  shauri lake kukamilika.