MVUA YASABABISHA AJALI MSIMBAZI CENTRE JIJINI DAR JANA

Toyota Prado lililogonga gari dogo likishuhudiwa na wananchi.

Watu wakishuhudia gari lililogongwa.

Sehemu ya mbele ya gari lililogongwa.

Sehemu ambayo gari aina ya Prado ilivuka upande mwingine wa barabara na kwenda kusababisha ajali.

Ajali hiyo ilisababisha foleni kubwa.
AJALI mbaya ilitokea jana mchana kati ya Toyota Mark II na Toyota Prado eneo la Msimbazi Centre jijini Dar kufuatia gari aina ya Prado lililokuwa likitokea Magomeni kuelekea Boma kugonga gari dogo lililokuwa likitokea Ilala Boma.
Ilikuwa hivi; Gari aina ya Prado ilikuwa ikitokea maeneo ya Kigogo Mbuyuni (Round about) kuelekea Msimbazi Centre, lilipofika kwenye bonde la Msimbazi, kutokana na mvua kubwa iliyokuwa ikinyesha, dereva aliyekuwa mwendo kasi alishindwa kuona mbele hivyo kujikuta akivuka tuta lililo katikati ya barabara na kwenda upande wa pili ambako lilikutana na gari dogo aina ya Toyota Mark II na kuligonga sehemu ya mbele.
Hata hivyo, hakuna aliyeumia katika ajali hiyo na mwandishi wetu alipofanya jitihada za kuwasaka madereva wa magari hayo hawakuweza kupatikana.
 (HABARI NA PICHA - NA DENIS MTIMA/GPL)